Կենտուկիի նահանգից կոնգրեսական Ռենդ Փոլը որոշում է կայացրել դադարեցնել իր մասնակցությունը Հանրապետական կուսակցությունից ԱՄՆ-ի նախագահի միասնական թեկնածուի առաջադրման համար պայքարում: Այդ մասին քաղաքական գործիչը հայտնել է պաշտոնական հայտարարությամբ, տեղեկացնում է ՏԱՍՍ-ը:
«Ինձ համար աներեւակայելի պատիվ էր սկզբունքային պայքար մղել Սպիտակ տան համար: Այսօր ես դա կավարտեմ նույն կերպ, ինչպես սկսել եմ` պատրաստ պայքարելու հանուն ազատության եւ դրա ձգտմամբ», - նշել է Փոլը: Անցյալ երկուշաբթի նա ընդամենը հինգերորդ տեղն է զբաղեցրել Այովայի նահանգում տեղի ունեցած հանրապետական թեկնածուների «կոկուսներում»` հավաքներում, որտեղ կուսակցության ազգային համագումարների պատվիրակների են ընտրում: