Փետրվարի 3-ին Իրաքը սկսել է Բաղդադի շուրջը բետոնե պատ կառուցել, որպեսզի այն պաշտպանի ահաբեկչությունների ժամանակ զինյալների կողմից օգտագործվող զենքի եւ պայթուցիկ սարքերի մաքսանենգությունից: Այս մասին հաղորդել է մայրաքաղաքի օպերատիվ շտաբի հրամանատարներից, գեներալ Աբդել Ամիր աշ-Շամարին:
Նրա խոսքով, Բաղդադի շուրջ անվտանգության պատնեշն ահաբեկիչներին թույլ չի տա թափանցել քաղաք եւ պայթուցիկներ բերել կամ ականապատ ավտոմեքենայով ներս մտնել՝ խաղաղ բնակիչների վրա հարձակումներ իրականացնելու համար:
Պատի ամբողջ երկայնքով միմյանցից որոշակի հեռավորությամբ դիտաշտարակներ կտեղակայվեն, տեսահսկման խցիկներ եւ պայթուցիկ սարքերի ցուցիչներ:
