ԱՄԷ-ում փորձագետները տագնապած են անսովոր ցուրտ եղանակի պատճառով ծովային կենդանիների զանգվածաբար մահանալու կապակցությամբ։  Gulf News-ի փոխանցմամբ՝ առափնյա ջրերում ջերմաստիճանի անսովոր անկումը ստիպում է ծովային կրիաներին զանգվածաբար ափ նետվել, փոխանցում է ՏԱՍՍ-ը։

Թերթի տեղեկություններով՝ հատկապես ցրտից եւ քամիներից տուժում են երիտասարդ կենդանիները, քանի որ չեն կարողանում հարմարվել անբարենպաստ պայմաններին։

«Վերջին 4-5 շաբաթվա ընթացքում մեծաքանակ կենդանիներ են գտնել Աբու Դաբի եւ Դուբայ քաղաքների միջեւ ընկած լողափերին։ Այս պահին կարողացել ենք փրկել 130 կրիայի»,- ասել է Dubai Turtle Rehabilitation Project բարեգործական ընկերության ներկայացուցիչ Ուորեն Բավերսթոքը։