Չեչնիայի նախագահ Ռամզան Քադիրովը հայտարարել է, որ երբեք չի ձգտել կուռք դառնալ եւ PR-ի կարիք չունի։ Այս մասին նա հայտնել է իր Instagramm-ում։

«Ռուսաստանի հասարակ քաղաքացիների շրջանում իմ շատ հարգելի լսարանը պետք է հասկանա, որ ես PR-ի կարիք չունեմ։ Ես իմ առջեւ ինչ-որ մեկի կուռքը լինելու նպատակ չեմ դրել, թեպետ երախտապարտ եմ մարդկանց, որոնք աջակցում են ինձ»,- գրել է Քադիրովը՝ ի պատասխան ռուսական ընդդիմության մասին իր հրապարակումներից հետո առաջ եկած աժիոտաժի, փոխանցում է Gazeta-ն։