Այովա նահանգում առաջնային ընտրություններից հետո երկու օրվա ընթացքում ԱՄՆ նախագահի պաշտոնի չորս թեկնածուներ դուրս են մնացել նախընտրական մրցավազքից՝ հաստատելով այդ նահանգի ավանդական ազդեցությունն ընտրությունների ընթացքի վրա: Դեմոկրատ Մարտին Օ'Մելլին ու հանրապետականներ Մայք Հաքաբին, Ռիք Սանթորումն ու Ռենդ Փոլը հայտարարել են, որ դադարեցնում են նախընտրական քարոզչությունը:Այն փորձագետները, որոնց շրջանում «ՌԻԱ Նովոստին» հարցում է արել, համարում են, որ թեկնածուների թիվն առաջիկա շաբաթներին կշարունակի կրճատվել ու բացառված չէ, որ դուրս մնացողների շարքերում կհայտնվի նաեւ նախկին ֆավորիտ Ջեբ Բուշը: