2015-ին Հայաստանը 500 մլն դոլարի տրանսֆերտ պակաս է ստացել, իսկ 2016-ին 800 մլն դոլարից 1 մլրդ դոլարի է պակաս ստանալու: Այս մասին, այսօր՝ փետրվարի 4-ին, լրագրողների հետ հանդիպման ժամանակ նշել է ԲՀԿ խմբակցության պատգամավոր, տնտեսագետ Միքայել Մելքումյանը:
«Եթե 2014-ին մարդիկ գնում էին Ռուսաստանում աշխատելու եւ ստանում 1700-2000 դոլարի եկամուտ, որից Հայաստան էին ուղարկում մոտ 1000-1200-ը, ապա 2015-ին վաստակում էին 1000-1200 դոլար եւ Հայաստան էին ուղարկում 700 դոլարը: Հիմա 2016-ին ուղարկելու բան չի լինելու»,-ընդգծեց նա՝ հավելելով. «Արդյունքում արտագնա աշխատանքի մեկնողների մի մեծ բանակ նաեւ չեն գնալու աշխատելու Ռուսաստանում, կամ էլ ընտանիքներին էլ են տանելու, որ տեղում ստացած եկամուտը տեղում ծախսեն»: