Անպտուղ, անարդյունք միջոցառումներ են, ինձ անհանգստացնում է նրանց ճակատագիրը: Այս մասին, այսօր՝ փետրվարի 4-ին, ԱԺ-ում լրագրողների ետ զրույցի ժամանակ նշել է ԱԺ ՀՀԿ խմբակցության ղեկավար Վահրամ Բաղդասարյանը՝ անդրադառնալով Ազատության հրապարակում «Նոր Հայաստան» ընդդիմադիր շարժման կողմից կազմակերպվող բողոքի ակցիաներին:
Դիտարկմանը, թե մարտի 1-ին այդ շարժումը համահայկական հանրահավաք է կազմակերպում, ի՞նչ զարգացումներ եք սպասում, Վահրամ Բաղդասարյանը պատասխանել է. « «Այն, ինչ եղել է նախորդների ժամանակ: Դրանք անպտուղ, անարդյունք միջոցառումներ են: Մենք անհանգստացած ենք իրենց համար: Եղանակն անբարենպաստ է, ու բավական թվով մարդիկ կարող է դուրս չգան: Այդքան չարչարվելուց հետո համապատասխան մասսա չի հավաքվի: Նման կարծիքի եմ՝ հետեւելով մարդկանց տրամադրություններին»:
ՀՀԿ խմբակցության ղեկավարը հավաստիացրել է, որ ոչ մի միջւոց չեն ձեռնարկելու այդ հավաքները խոչընդոտելու համար. «Որեւէ ջանք չի գործադրվելու, ինչպես նախորդ անգամները, այս անգամ եւս նման հարցերով չենք հետաքրքրվում ու ժամանակ էլ չունենք մարդկանց իրենց աշխատանքից շեղելու համար»: