Սիրիայում ահաբեկիչները պատանի մահապարտների խումբ են նախապատրաստել երկրում ահաբեկչական գործողություններ իրականացնելու համար: Այդ մասին հայտնել է Ռուսաստանի պաշտպանության նախարարության պաշտոնական ներկայացուցիչ Իգոր Կոնաշենկովը, գրում է «Ինտերֆաքսը»:
«Իդլիբի նահանգում սիրիական ընդդիմության ներկայացուցիչներից մեր ստացած տվյալների համաձայն, «Ջաբհաթ ան-Նուսրա» եւ «Ահրար աշ-Շամ» խմբավորումների կազմի մեջ մտնող գրոհայինները պատանիների խումբ են ձեւավորել, որը նախապատրաստական հատուկ դասընթացներ է անցել: Նախատեսված է նրանց օգտագործել Դամասկոսի, Հոմսի եւ Լաթաքիայի նահանգներում խաղաղ բնակիչների դեմ ահաբեկչական գործողություններ իրականացնելու համար», — ասել է նա:
Կոնաշենկովը ճշտել է, որ խումբը կազմված է 14-ից 16 տարեկան պատանիներից:
