Հայաստանի կառավարությունը պատրաստվում է նորոգել Վանաձորից Ալավերդի` դեպի վրացական սահման տանող ճանապարհի թունելները եւ կամուրջները: Այդ մասին NEWS.am-ի թղթակցին տեղեկացրել է Հայաստանի տրանսպորտի եւ կապի փոխնախարար Արթուր Առաքելյանը:
Ծրագրի նախահաշիվն արդեն համարյա պատրաստ է եւ ներառում է մի քանի թունելի եւ կամրջի վերանորոգում:
Այժմ դրանք ոչ այնքան լավ վիճակում են. այդ թունելներից երկուսում մեծ բեռնատարների համար երկկողմ երթեւեկություն չկա, եւ ծանր բեռնատարները ստիպված հեռանում են իրարից եւ հերթով են անցնում:
Հետագիծը փոխելու (մասնավորապես` բազմաթիվ շրջադարձերն ուղղելու) մասին խոսք չկա, բայց ճանապարհն ընդհանուր առմամբ ավելի անվտանգ եւ արդյունավետ կդառնա, հավելել է փոխնախարարը:
Նախագծի հնարավոր դոնորների թվում են Զարգացման ասիական բանկը եւ Եվրոպական ներդրումային բանկը, նշել է նա:
