Իրանական ընկերությունները կհամագործակցեն Հայաստանի պաշտպանության նախարարության հետ: Այս խնդիրներն են քննարկվել փետրվարի 4-ին, ՀՀ պաշտպանության նախարար Սեյրան Օհանյանի եւ Իրանի պաշտպանության եւ զինված ուժերի աջակցման նախարարության «ԷԹՔԱ» կազմակերպության գործադիր տնօրեն Մոհամմադ Մեհդի Քարբալայի հանդիպման ժամանակ:
ՊՆ-ից NEWS.am-ին հայտնում են, որ հանդիպման ժամանակ քննարկվել են սննդարդյունաբերության, տեքստիլ արդյունաբերության, կառուցապատման եւ այլ ոլորտներում մասնագիտացած իրանական ընկերության եւ ՀՀ պաշտպանության նախարարության միջեւ համագործակցություն ծավալելու հնարավորությունները: Մինչեւ փետրվարի 7-ը նախատեսված աշխատանքային այցի ընթացքում իրանական պատվիրակությունը հանդիպումներ կունենա նաեւ ՀՀ արդյունաբերական մի շարք ձեռնարկությունների ղեկավարության հետ:
