Սիրիայում եւ Միջերկրական ծովի Արեւելյան շրջաններում ՌԴ ռազմական ներկայության ընդլայնումը խախտել է Եվրոպայում ռազմավարական հավասարակշռությունը։ Այս մասին ԵՄ պաշտպանության նախարարների ոչ ֆորմալ հանդիպմանն ասել է ՆԱՏՕ-ի գլխավոր քարտուղար Յենս Սթոլթենբերգը։
ՆԱՏՕ-ն կարծում է, որ Սիրիայում ՌԴ օդուժի գործողությունները սասանում են Սիրիայի կարգավորման բանակցությունները, քանի որ ուղղված են հիմնականում ապստամբների դեմ, ասել է Սթոլթենբերգը, փոխանցում է ՏԱՍՍ-ը։
«Մենք տեսնում ենք, որ Ռուսաստանի հասցրած հարվածներն ինտենսիվանում են եւ ուղղված են հիմնականում ընդդիմությանը։ Դա սասանում է Սիրիայի խնդրի քաղաքական կարգավորման ջանքերը»,- ասել է ՆԱՏՕ-ի գլխավոր քարտուղարը։
