Միացյալ Նահանգները վաղուց ի վեր քաջալերում է Հայաստանին հետամուտ լինել էներգակիրների դիվերսիֆիկացմանը: Այս մասին «Ազատություն» ռադիոկայանին տված հարցազրույցում նշել է Հայաստանում ԱՄՆ դեսպան Ռիչարդ Միլսը:
Նրա խոսքով, խոսքը, մասնավորապես, այլընտրանքային/վերականգնվող աղբյուրներից եւ տարածաշրջանային ավելի լայն ինտեգրումից բխող հնարավորությունները դիտարկելու մասին է, որոնք «թույլ կտան մեծացնել էներգետիկ անվտանգությունն ու խուսափել գերկախվածությունից՝ որեւէ մեկ կողմից կամ որեւէ մեկ տեսակի էներգակրից»:
