Կոտայքի մարզում՝ Բալահովիտ գյուղի գերեզմանատան քարի արտադրամասում հունվարին սպանված 65-ամյա Մելիքսեթյանն ու նրա մահվան մեջ մեղադրվող Գագիկ Հովհաննիսյանը նախկինում բազմիցս վիճաբանել են: Այս մասին ասվում է դեպքի վերաբերյալ Ոստիկանության տեսանյութում:
Դեպքի օրը, տեսնելով, որ ծեծի հետեւանքով Սամվել Մելիքսեթյանը մահացել է, դիմել է փախուստի, մեկ օր անց հայտնաբերվել ոստիկանության կողմից:
Հիշեցնենք, որ սպանությունը տեղի էր ունեցել հունվարի 6-ին՝ գերեզմանատանը մոտ գտնվող շինությունում, որտեղ նրանք միասին բնակվել են: Սամվել Մելիքսեթյանը գանգուղեղային փակ բութ վնասվածք է ստացել: Գագիկ Հովհաննիսյանը աշխատել է արտադրամասում որպես պահակ:
Հարուցվել է քրեական գործ՝ ՀՀ ՔՕ 112-րդ հոդվածի 2-րդ մասի 14-րդ կետով (դիտավորությամբ ծանր մարմնական վնաս պատճառելը, որն անզգուշությամբ առաջացրել է մարդու մահ):
