Եղիսաբեթ II թագուհու հոբելյանը կնշեն նրա զգեստների ցուցադրությամբ, տեղեկացնում է «Բի-Բի-Սի»-ն: Առաջին ցուցադրությունը հնարավոր կլինի տեսնել Էդինբուրգի Հոլիռուդյան պալատում: Նշվում է, որ դա նմանատիպ խոշորագույն ցուցադրությունն է, որը երբեւէ կազմակերպվել է Շոտլանդիայում:
Ցուցադրությունը կբացվի ապրիլի 21-ին` թագուհու փաստական ծննդյան օրը (նրա ծննդյան օրը պաշտոնապես նշվում է հունիսին): Այցելուները կիմանան Եղիսաբեթ II-ի կյանքի եւ կառավարման մասին, կծանոթանան նրա ցերեկային եւ երեկոյան զգեստներին, տեղեկացնում է Gazeta-ն:
Էդինբուրգյան ցուցահանդեսը մեկն է Եղիսաբեթ II-ի ոճին նվիրված երեք ցուցադրություններից, որոնք տեղի կունենան 2016-ին: Բոլոր երեքն անցկացվում են նրա պաշտոնական նստավայրերում: Հուլիսի 23-ին ցուցահանդես կբացվի Բուքինգեմյան պալատում, սեպտեմբերի 17-ին` Վինձորյան ամրոցում:
Ընդհանուր առմամբ նախատեսված է Նորին Մեծության 150 հագուստ ներկայացնել:
