Հայ ազգային կոնգրեսն այս տարի ակտիվ մասնակցություն կունենա ՏԻՄ ընտրություններին։ Այս մասին NEWS.am-ի թղթակցի հետ զրույցում հայտարարեց ՀԱԿ խմբակցության ղեկավար Լեւոն Զուրաբյանը։
«Շատ ակտիվ ենք մասնակցելու ՏԻՄ ընտրություններին»,-ասաց Զուրաբյանը։
Հարցին՝ ունե՞ն թեկնածուներ, քննարկե՞լ են հարցը, Զուրաբյանը պատասխանեց. «Մենք այդպիսի մարմաջ չունենք, որ ամեն տեղ մեր թեկնածուին առաջադրենք, բայց ակտիվորեն ժողովրդի հետ աշխատելուն մենք պատրաստ ենք»,-ասաց Զուրաբյանը։
Նշենք, որ այս տարի մոտ երկու տասնյակ համայնքում տեղական ինքնակառավարման մարմինների ընտրություններ են սպասվում։ Ենթադրվում է, որ անկախ համայնքի մեծությունից ու կարեւորությունից ակտիվ պայքար է լինելու, քանի որ այն նախորդում է 2017-ի խորհրդարանական ընտրություններին։