Flight Centre ճանապարհորդությունների կայքն առանձնացրել է 2016թ. ճանապարհորդությունների համար ամենաանհարմար օրերը: Խոսքը ամսաթվերի մասին է, որոնք համընկնում են տոների, դպրոցական արձակուրդների եւ այլ օրերի հետ, երբ մեծ թվով ճանապարհորդներ մեկնում են հարազատների մոտ, փոխանցում է The Telegraph-ը:
«Այդ տոնական օրերի եւ դրանց «հարեւան» օրերի միջեւ գումարային տարբերությունն այնքան մեծ է, որ հնարավոր է դրա հաշվին մի քանի հարյուր ֆունտ տնտեսել», — նշում է ընկերության ներկայացուցիչ Ջասթին Փեննին:
Անհարմար ամսաթվերից է փետրվարի 12-ը՝ լեռնադահուկորդների օրը: Այդ ցուցակում է նաեւ մարտի 24-ը՝ Զատկին նախորդող հանգստյան օրը, որը տոմսերի լրացուցիչ պահանջարկի առիթ է դառնում:
2016թ. ապրիլի 13-ը թայլանդական Նոր տարին է, որը բուդդայական ընտանեկան տոն է համարվում:
Ֆրանսիայում հունիսի 10-ից հուլիսի 10-ը ֆուտբոլի Եվրոպայի առաջնության պատճառով փորձագետները խորհուրդ են տալիս հրաժարվել հունիսի 11-ին տոմսեր պատվիրել, փոխանցում է lenta-ն: