Քալիֆորնիայում փնտրում են վիճակախաղով 63 մլն դոլար շահած մարդուն: Շատերն են փորձել ներկայանալ որպես շահող տոմսի տեր, հայտնել է SuperLottoPlus–ի ներկայացուցիչ Ալեքս Տրավերսոն:
Քալիֆորնիայում SuperLottoPlus վիճակախաղի կազմակերպիչները որոշել են բացառության կարգով մեկ շաբաթով երկարացնել նահանգի պատմության մեջ ամենաախոշոր՝ 63 մլն դոլարի շահումի տրամադրման ժամկետը, հայտնում է ՏԱՍՍ-ը:
Ըստ վիճակախաղի կանոնների շահումի տերը շահած տոմսը պետք էր ներկայացներ մինչեւ փետրվարի 5-ը ժամը 17:00: Բայց նա չէր ներկայացրել: Նրա փոխարեն շատ ուրիշներն են փորձել տիրանալ շահումին՝ վստահեցնելով որ պարզապես կորցրել են տոմսը, հայտնել է SuperLottoPlus-ի ներկայացուցիչ Ալեքս Թրավերսոն: Հայտնի է, որ շահած տոմսը վաճառվել էր օգոստոսի 8-ին, Լոս Անջելեսի 7-Eleven մթերային խանութում՛:
Եթե շահումի տերը առաջիկա մեկ շաբաթում էլ չներկայանա, ապա ամբողջ շահումը կփոխանցվի նահանգի դպրոցների կարիքների համար: