Volkswagen ընկերության ներկայացուցիչները հայտնել են այն մասին, որ մտադիր են թողարկել աշխարհի ամենամատչելի էլեկտրոքարը: Այդ նախագծի աշխատանքներն արդեն մեկնարկել են:
Հայտնում են, որ այդ նորույթը կդառնա Chevrolet ավտոմեքենայի մրցակիցը: Նոր էլեկտրոքարի պրեմիերան կկայանա 2018 թ. ավտոսալոններից մեկում:
Հեռանկարային նորույթը ստեղծվելու է МЕВ պլատֆորմայի բազայով: Մշակողները ներդրել են էլեկտրական սնուցման նոր տեխնոլոգիա, ինչի շնորհիվ ավտոմեքենան կկարողանա 300 կմ հեռավորությունն անցնել առանց լրացուցիչ լիցքավորման, հայտնում է Informing-ը:
Հայտնի է, որ նորույթը որոշ տեխնոլոգիաներ կփոխառի վերջին սերնդի Golf-ից:
Ընկերությունում վստահ են, որ ավտոմեքենան նոր հաճախորդներ կապահովի, նաեւ կշտկի «դիզելային սկանդալից» հետո Volkswagen-ի սասանված իմիջը:
Բացի դրանից ավտոկոնցեռնը մտադիր է ապագայում միկրոավտոբուսի հիմքով էլեկտրոմոբիլ ստեղծել: Ծրագրվում է, որ նման ավտոմեքենան պատրաստ կլինի մինչեւ 2020 թ. ու արժանի տեղ կզբաղեցնի ընկերության մոդելների շարքում:
