Չեխիայի կառավարությունն ահաբեկիչներին 6 մլն դոլարի փրկագին է վճարել՝ իր 2 քաղաքացուհիներին ազատ արձակելու համար: Գանա Գումպալովան եւ Անտոնիա Խրաստեցկան 2015 թվականի մարտին հայրենիք են վերադարձել Պակիստանից, որտեղ պատանդ էին պահվում երկու տարի շարունակ: Այս մասին գրում է Respekt շաբաթաթերթը:
Սա առաջին դեպքն էր, երբ ահաբեկիչները պարգեւավճար են պահանջել Չեխիայի քաղաքացիներին ազատ արձակելու դիմաց:
Մինչ այդ, չեխական հատուկ ծառայությունները պարզել են, որ ազատ արձակվելուց հետո Գանա Գումպալովան չի կարողացել հարմարվել հայրենիքում նախկին կյանքին եւ փորձել է վերադառնալ առեւանգողների մոտ: Պատանդառության ժամանակ իսլամ ընդունած կնոջը բռնել են թուրքական սահմանին եւ Չեխիա վերադարձնել:
Չեխ զբոսաշրջիկներին պատանդառել էին պակիստանյան Բելուջիստան գավառում: Նրանք Պակիստան էին ժամանել հարեւան Իրանից: