Իրանն զգույշ է ԼՂ խնդրի խաղաղ կարգավորման հարցում: Այս մասին սեպտեմբերի 15-ին, Իրանի ԱԳ նախարարի հետ համատեղ մամուլի ասուլիսում հայտարարել է ՀՀ ԱԳ նախարար Էդվարդ Նալբանդյանը: Նա ընդգծել է երկու երկրների միջեւ երկկողմ հարաբերությունների բարձր մակարդակը, նշելով, որ կողմերը համագործակցում են միջազգային ասպարեզում:
ՀՀ ԱԳՆ ղեկավարը տեղեկացրել է, որ շուտով Իրանում կանցկացվեն Հայաստանի մշակույթի օրեր, հաղորդում է իրանական FARS գործակալությունը:
Խոսելով ազատ առեւտրի գոտի ստեղծելու եւ Հայաստանի ու Իրանի միջեւ վիզային ռեժիմը պարզեցնելու մասին, Նալբանդյանն ասել է, որ ազատ առեւտրի գոտի ստեղծելու վերաբերյալ արդեն երկխոսություն է ընթանում, իսկ վիզային ռեժիմի պարզեցման հարցը քննարկվելու է երկու երկրների ԱԳՆ-ների հյուպատոսական բաժինների նիստի ժամանակ:
