Աֆղանստանի ոստիկանությունը ազատել է թալիբների կողմից Ֆարյաբ նահանգում առեւանգված 80 մարդու: Այս մասին հաղորդում է «ՌԻԱ նովոստիՆ»՝ վկայակոչելով տեղի լրատվամիջոցները:
Գրոհայինները կիրակի երեկոյան կանգնեցրել են երկու ավտոբուս եւ առեւանգել բոլոր ուղեւորներին:
Իրավապահ մարմիններն անմիջապես փրկարարական գործողություն են սկսել եւ մի քանի ժամ անց հաջողությամբ ավարտել այն: Այս պահին թալիբների մոտ երկու պատանդ է մնացել:
Վերջին ամիսներին իրավիճակն Աֆղանստանում զգալիորեն վատթարացել է: Աֆղանստանում ՄԱԿ-ի հատուկ ներկայացուցիչ Նիկոլաս Հեյսոմի խոսքով, թալիբներն ու վերջերս այնտեղ հայտնված «Իսլամական պետության» գրոհայինները հակամարտության մեջ են մտել երեք նահանգներում: