Այս տարվա հունվարին որոշ ապրանքախմբերում արձանագրվել է 2 տոկոս գնաճ, որը պայմանավորված է Հայաստանի 11 բնակավայրերում արձանագրված մինչեւ 2.9 տոկոս գնաճով: Այս մասին այսօր` փետրվարի 8-ին, լրագրողների հետ զրույցում ասաց ՀՀ Ազգային վիճակագրական ծառայության նախագահի խորհրդական Գուրգեն Մարտիրոսյանը:

Գուրգեն Մարտիրոսյանի խոսքով, 2 տոկոս գնաճն արձանագրվել է Երեւանում եւ ամենաբարձր գնաճը` 2.9 տոկոս, արձանագրվել է Կապան քաղաքում, գնաճ է արձանագրվել նաեւ Գյումրիում եւ Վանաձորում:

«2016թ. հունվարին 2015թ. դեկտեմբերի համեմատ 2.2. տոկոս ընդհանուր գնաճի պարագայում պարենային ապրանքների գներն աճել են հինգ տոկոսով, ոչ պարենային ապրանքների գները նվազել են 0.6 տոկոսով: Ամենաբարձր գնաճն արձանագրվել է բանջարեղեն եւ կարտոֆիլ ապրանքախմբում` 35.5 տոկոս, իսկ գնանկում է արձանագրվել հացամթերքի` 0.5 տոկոս, մսամթերքի, ոգելից եւ ծխախոտի ապրանքախմբում` 0.01 տոկոս»,-ասաց նա: