Գերմանիայի աշխատանքի դաշնային գործակալությունը կարծում է, որ երկրի աշխատաշուկան բավական ամուր է փախստականների մեծ հոսքը ինտեգրելու համար։ «Գերմանական աշխատաշուկայի համար տարեկան 350 հազար փախստականը որեւէ խնդիր չի ներկայացնում, քանի որ ամեն տարի Գերմանիայում մինչեւ 700 հազար աշխատատեղ է հայտնվում»,- Die Welt-ին հայտնել է գործակալության ղեկավար Դեթլեֆ Շելեն։
Նրա կարծիքով փախստականները, որպես կանոն, գործազուրկ գերմանացիների համար մրցակցություն չեն ստեղծում, քանի որ փախստականների խումբը շատ փոքր է։
Անցյալ տարի Գերմանիա է ժամանել մոտ 1.1 մլն փախստական։ Գերմանիայի աշխատանքի դաշնային գործակալությունն արդեն վաղուց էր հաշվարկել, որ 2016թ. երկրում աշխատանք եւ մասնագիտական նախապատրաստություն կփնտրի փախստականի կարգավիճակ ստացած 350 հազար միգրանտ։
Շելեն հույս չունի, որ փախստականների հոսքը մոտ ապագայում կարող է լուծել Գերմանիայում որակյալ կադրերի պակասուրդի խնդիրը։