Գերմանիայի եւ Ֆրանսիայի կենտրոնական բանկերի ղեկավարներ Իենս Վայդմանը եւ Վիլերուա դե Գալոն հանդես են եկել Եվրոգոտու բերափոխումների իրականացման եւ ֆինանսների համաեվրոպական նախարարության ստեղծման օգտին, ինչը կօգնի վերականգնել Եվրամիությունում տնտեսական հավասարակշռությունը:
Համատեղ հայտարարության մեջ, որը հրապարակվել է Suddeutsche Zeitung թերթում, նրանք հանդես են եկել Եվրոպական միության անդամ երկրների իրավունքներն ու լիազորությունները փոխանցեն համաեվրոպական մակարդակ տեղափոխելու օգտին, տեղեկացնում է Gazeta-ն:
«Եվրոպական տարածքի ներսում ավելի նշանակալի ինտեգրացիան վստահության վերականգնման ինքնաթելադրվող մեթոդ է», — ասված է հայտարարության մեջ:
Նրանց կարծիքով ընդհանուր ֆինանսական դրության վատթարացման եւ տնտեսական անհավասարակշռության լույսի ներքո Եվրոպան «միանշանակ» գտնվում է ճամփաբաժանին: Ճգնաժամային իրավիճակի հաղթահարման համար անհրաժեշտ է ֆինանսների ընդհանուր նախարարություն ստեղծել, արդյունավետ եւ պակաս «մասնատված» համաեւրոպական վարչակազմ, ինչպես նաեւ քաղաքական հզոր մարմին, որը քաղաքական որոշումներ կընդունի:
«Այդ նոր հաստատությունները կկարողանային հոգ տանել պատասխանատվության եւ վերահսկողության միջեւ հավասարակշռության վերականգնման մասին», — գրում են երկու ԿԲ ղեկավարները: