Փետրվարի 6-ին, ժամը 02.55-ին, ոստիկանության Նաիրիի բաժնում հաղորդում է ստացվել, որ մի քաղաքացուհու ծեծի են ենթարկել:
Ոստիկանությունից NEWS.am-ին հայտնում են, որ մեկնած օպերատիվ խմբին 38-ամյա Բելլա Հ.-ն հաղորդում է տվել, որ նույն օրը, ժամը 02.00-ի սահմաններում, իր վագոն տնակում, վիճաբանության ժամանակ, իր ընկեր Արամը ծեծի է ենթարկել իրեն` պատճառելով վնասվածք:
Նյութերի նախապատրաստման ընթացքում պարզվել է, որ Արամը 30-ամյա Արամ Ս.-ն է, ով խոստովանական բացատրություն է տվել, որ նույն օրը, ժամը 02.00-ի սահմաններում, Եղվարդ քաղաքի Նատի թաղամասում գտնվող վագոն տնակում գտնվելով ալկոհոլի ազդեցության տակ, վիճաբանել է Բելլա Հ.-ի հետ ու ծեծի ենթարկել նրան:
Կատարվում է հետաքննություն: