Գերմանիան անհրաժեշտ է համարում օրենսդրական բազա ստեղծելու միջոցով կանխել Եվրոպա անօրինական ներգաղթը: Այդ մասին հայտնել է Գերմանիայի կանցրել Անգելա Մերկելը Թուրքիայի վարչապետ Ահմեդ Դավութօղլուի հետ բանակցություններից հետո կայացած մամուլի ասուլիսին, տեղեկացնում է ՏԱՍՍ-ը:
«Այժմ մեզ անհրաժեշտ է փախստականների ընդունման համար օրենսդրական բազա նախապատրաստել: Մենք ուզում ենք կանխել անօրինական ներգաղթը Եվրոպա», - ասել է նա: Նրա խոսքով, նպատակն այն է, որ Թուրքիային մենակ չթողնեն զբաղվել փախստականներով, եւ անհրաժեշտ է Թուրքիայի համար այդ խնդիրների ավելի արագ եւ արդյունավետ լուծում գտնել»:
Մերկելը նաեւ նշել է, որ Գերմանիան նախատեսում է «փախստականներ ընդունել նաեւ Թուրքիայից, բայց ուզում է, որ նրանք օրինական ներգաղթյալներ լինեն»:
Բացի այդ, կանցլերը հավելել է, որ Գերմանիան հույս ունի հնարավորինս հանել բյուրոկրատական արգելքները Թուրքիային փախստականների համար 3 մլրդ եվրո հատկացնելու ճանապարհին: «Մենք կօգնենք նաեւ Թուրքիայի ճամբարներում գտնվող փախստականներին», - ընդգծել է նա:
