Ռուսական ռուբլու անկման ֆոնին Եվրասիական տնտեսական միությունում փորձեցին հաշվի առնել հայկական արտահանման շահերը: Այս մասին փետրվարի 8-ին կայացած Մոսկվա-Աստանա-Երեւան մամուլի ասուլիսի ժամանակ հայտարարեց Եվրասիական տնտեսական հանձնաժողովի՝ մակրոէկոնոմիկայի եւ ինտեգրման հիմնական ուղղությունների գծով կոլեգիայի անգամ (նախարար) Տատյանա Վալովայան:
Այն, որ հայկական դրամն ավելի քիչ արժեզրկվեց, քան ռուսական ռուբլին, հայկական ապրանքների համար ռուսական շուկայում որոշակի հնարավորություններ ստեղծեց: Մի շարք ապրանքների մասով, մասնավորապես՝ մրգի եւ բանջարեղենի, արտահանումը նույնիսկ ավելացավ:
«Դա նշանակում է, որ մենք հաշվի ենք առնում միմյանց շահերը եւ լրացուցիչ հնարավորություններ են ստեղծում մեր շուկա մուտք գործելու համար»,- հայտարարեց Վալովայան:
Նա ընդգծեց, որ ռուսական ռուբլու, ղազախական տենգեի եւ բելառուսական ռուբլու արժեզրկումը դեմփինգային բնույթ չէր կրում, այլ թելադրված էր տնտեսակա կոնյուկտուրայով. նավթի գների անկմամբ, Չինաստանի եւ ԵՏՄ կարեւոր այլ գործընկերների տնտեսության աճի տեմպերի դանդաղեցմամբ:
Եվրասիական հանձնաժողովի խնդիրն է՝ Միության անդամ երկրներին օգնել հնարավորինս համաձայնեցնել դրամավարկային քաղաքականությունը, որպեսզի արժույթների փոխարժեքի տատանումներից առաջացած փոխադարձ անհարմարությունները հնարավորինս նվազագույնի հասցվեն: