Շվեդիայի արտգործնախարար Մարգոտ Վալստրյոմի ղեկավարած պատվիրակությունը փետրվարի 9-ին այցելել է Ծիծեռնակաբերդի հուշահամալիր, հայտնում է NEWS.am-ի թղթակիցը (ֆոտոռեպորտաժ)։

Ցեղասպանության թանգարան-ինստիտուտի փոխտնօրեն Սուրեն Մանուկյանի եւ Հայաստանում Շվեդիայի գործերի ժամանակավոր հավատարմատար Մարտեն էնբերգի ուղեկցությամբ Շվեդիայի արտգործնախարարը ծաղիկներ է դրել 20-րդ դարի առաջին ցեղասպանության զոհերի հիշատակի Անմար կրակի մոտ։

ՀՀ արտգործնախարար Էդվարդ Նալբանդյանի հրավերով Շվեդիայի արտգործնախարար Մարգոտ Վալստրեմը փետրվարի 8-9-ը պաշտոնական այցով գտնվում է Հայաստանում։ Նրան ընդունելու է նաեւ Հայաստանի նախագահ Սերժ Սարգսյանը։ Փետրվարի 9-ին արտգործնախարարները բանակցություններ կվարեն եւ համատեղ մամուլի ասուլիս կտան։

Լուսանկարները՝ Արսեն Սարգսյանի NEWS.am