Եվրամիության՝ արտաքին գործերի գերագույն ներկայացուցիչ Ֆեդերիկա Մոգերինին մոտ ապագայում կայցելի Հայաստան։ Այս մասին փետրվարի 9-ին լրագրողներին ասել է Հայաստանում ԵՄ պատվիրակության ղեկավար Պյոտր Սվիտալսկին։
«Դա տեղի կունենա շատ շուտով, չեմ ուզում հիմա ասել, թե կոնկրետ երբ, բայց մենք արդեն օգնում ենք Հայաստանի իշխանությունների հետ նախապատրաստել այդ այցը»,- ասել է նա։ Նախօրեին այցի մանրամասները քննարկվել են Հայաստանի արտգործնախարարի եւ ԵՄ երկրների դեսպանների մասնակցությամբ տեղի ունեցած ճաշի ժամանակ։
«Կարծում եմ, որ այդ այցը լավ խթան կհանդիսանան մեր հարաբերությունների համար»,- ասել է Սվիտալսկին։