Սիրիայի հարցով բանակցություններից քրդերին հեռացնելը Թուրքիայի ամբարտավան դիրքորոշումն է, որը որեւէ մեկը չի կիսում: Այս մասին ՄԿ-ին տված հարցազրույցում հայտարարել է Ռուսաստանի ԱԳ նախարար Սերգեյ Լավրովը:
«Թուրքերն անթաքույց հայտարարում են, որ մենք (ՌԴ-ն) խառնել ենք իրենց խաղաքարտերը, հիմա նրանք փորձում են ամոթի սյանը գամել նաեւ ամերիկացիներին»,- նշել է Լավրովը:
«Թուրքիայի նախագահ (Ռեջեփ Թայիփ) Էրդողանը Վաշինգտոնից ուղղակիորեն պահանջեց ընտրել. կա՛մ քրդերը, կա՛մ Թուրքիան: Վաշինգտոնից արդեն պատասխան է հնչել (առայժմ՝ անանուն) այն մասին, որ քրդերը՝ ներառյալ Ժողովրդավարական միություն կուսակցությունը, որը թուրքերը կապում են ահաբեկչության հետ, ԻՊ-ի դեմ պայքարում Վաշինգտոնի դաշնակիցներն են»,- եզրափակել է Լավրովը: