2015-16 ուսումնական տարում Հայաստանի հարավային Սյունիքի մարզում ռոբոտեխնիկայի դպրոցական երեք խմբակ է բացվել: Այս մասին NEWS.am-ի թղթակցի հետ զրույցում հայտարարեց «Symotec» ինժեներական ընկերության ղեկավար Հրաչյա Խաչատրյանը: Ինֆորմացիոն տեխնոլոգիաների ձեռնարկությունների միության (UITE) համակարգմամբ, ընկերությունն ու տեխնոլոգիական այլ ձեռնարկություններ օգնում են Երեւանում եւ մարզերում ռոբոտեխնիկայի խմբակներ բացել:
2015 թվականի սեպտեմբերին այդպիսի երեք խմբակներ բացվել են հեռավոր Սյունիքում, ընդ որում մեկը՝ Տաթեւ գյուղում:
Երեխաներն այդ խմբակներ սկսում են հաճախել 12-13 տարեկանում, բայց կան նաեւ այնպիսիք, ովքեր ինժեներիայով սկսում են հետաքրքրվել 10-11 տարեկանում:
«Նրանց առաջադրանքներն ինքներս ենք կազմում, բայց ուզում ենք, որ նաեւ նրանց տեխնիկական երեւակայություն աշխատի: Փորձում ենք հնարավորինս օգնել նաեւ նյութերի հարցում»,- հավելեց Խաչատրյանը:
