Մեքսիկացի կին լրագրողին, որին զինված անձինք առեւանգել էին փետրվարի 8-ին Վերակրուս նահանգի իր տնից, մի քանի օր անց սպանված են գտել: Ինչպես հաղորդում է ՏԱՍՍ-ը՝ վկայակոչելով տարածաշրջանի դատախազությունը, 32-ամյա Ֆլորես Սալասարբիլոյի մարմինը հայտնաբերվել է հարեւան Պուեբլա նահանգում, մայրուղու մոտ:
Երկու մանկահասակ երեխաների մոր սպանության փաստի առթիվ քրեական գործ է հարուցվել: Դատախազության աշխատակիցները սկսել են տեղի ունեցածի հանգամանքների հետաքննությունը եւ մեղավորի կամ մեղավորների որոնումը:
Երկու լրատվամիջոցի հետ համագործակցող լրագրողի սպանության որեւէ վարկած դեռեւս չի հրապարակվել: