Բավարիայի վարչապետ Հորսթ Զեեհոֆերը քննադատել է Գերմանիայի կանցլեր Անգելա Մերկելի միգրացիոն քաղաքականությունը՝ նրան անվանելով «անօրինության իշխանություն»։

«Հիմա մենք չենք ապրում օրենքի ու կարգուկանոնի մեջ»,- մեջբերում է Զեեհոֆերի խոսքը Passauer Neue Presse թերթը։

Նախկինում նա բազմիցս կոչ էր արել երկրի կառավարությանը սահմանափակել փախստականների ընդունման թվաքանակը։

Եթե Մերկելը չկրճատի փախստականների հոսքը եւ չփակի սահմանները անօրինական միգրանտների առաջ, Զեեհոֆերը սպառնում է հայց ներկայացնել Դաշնային սահմանադրական դատարան, փոխանցում է ՏԱՍՍ-ը։