Ոստիկանության Կենտրոնականի բաժնին կից պահպանության բաժնի ծառայողները Երեւանի Տիգրան Մեծի պողոտայի 10 հասցեում գործող սուպերմարկետից, գողություն կատարելու կասկածանքով, բերման են ենթարկել 24-ամյա Քաջիկ Ա.-ին:
Ոստիկանությունից NEWS.am-ին հայտնում են, որ սուպերմարկետի անվտանգության ծառայության աշխատակիցը հաղորդում է տվել, որ Քաջիկ Ա.-ն փորձել է սուպերմարկետից գողանալ դանակ-պատառաքաղների 4 հավաքածու, սակայն բռնվել է իրենց կողմից:
Ոստիկանության ծառայողների իրականացրած միջոցառումների շնորհիվ պարզվել է, որ Քաջիկ Ա.-ն 2015 թ. դեկտեմբերին Երեւանի Ամիրյան 7 հասցեում գործող վաճառասրահից գողացել է տղամարդու ժամացույց, Մաշտոցի պողոտայի 18 հասցեում գործող խանութից` 10 վզնոց, Մաշտոցի պողոտայի գործող մեկ այլ խանութից` թանկարժեք խմիչք:
Վնասի չափը պարզվում է:
Կատարվում է հետաքննություն:
Ի թիվս այլ աշխատանքների, ծրագրի ընթացքում կիրականացվի Արարատյան դաշտում առկա հորերի եւ ջրաղբյուրների գույքագրում, կստեղծվի հանրության համար հասանելի տվյալների համակարգ, կտեղադրվի ջրառի ծավալի ավտոմատ վերահսկման համակարգ ընտրված 10 ձկնաբուծարաններում, եւ կփորձարկվեն ջրի եւ էներգիայի արդյունավետ օգտագործման նոր տեխնոլոգիաներ: ՀՀ կառավարությանը կներկայացվեն առաջարկություններ ձկնաբուծության նպատակով ռեսուրսավճարի օպտիմալ դրույքաչափերի սահմանման, ինչպես նաեւ ջրօգտագործման թույլտվությունների տրման եւ վերահսկողության գործընթացների հզորացման նպատակով: