Արարատյան դաշտի մոտ 30 գյուղերում ոռոգման ջրի պակաս է զգացվում։ Այս մասին փետրվարի 10-ին՝ Արարատյան դաշտի ստորգետնյա ջրերի կառավարման վերաբերյալ USAID ծրագրի (ASPIRED) ներկայացման ժամանակ, ասել է Հայաստանում USAID-ի ղեկավար Կարեն Հիլիարդը։
Նրա խոսքով՝ այդ մարզը Հայաստանին տալիս է բերքի մոտ 40 տոկոսը, իսկ տեղի գյուղերում ապրում է մոտ 250 հազար մարդ։ Նրանց հավուր պատշաճի ջրով ապահովելը շատ կարեւոր է։ Բացի այդ, ջրային պաշարներն անհրաժեշտ են ամռան ամիսներին ատոմակայանի ռեակտորի սառեցման համար։ «Այդ ամենը թելադրում է ամրապնդել ՀՀ կառավարության հետ համագործակցությունը ստորգետնյա ջրերի ավելի արդյունավետ օգատգործման համար։ Փակվել են արտեզյա ապօրինի ճեղքերը, բարձրացվել է դրանց ջրերի օգտագործման սակագինը։ Սակայն դեռ շատ անելիք կա։ Մենք ուրախ ենք Հայաստանին աջակցել նման կարեւոր նախաձեռնության հարցում»,- նշել է Հիլիարդը։
