Ստամբուլի Շիշլի թաղամասում ապրող տարեց հայ ամուսինների դեմ իրականացրած հարձակման մեջ կասկածվող 8 մարդ է ձերբակալվել Տրապիզոնում։
Ինչպես տեղեկացնում է Ստամբուլի հայկական «Ակոս»-ը, ոստիկանները պարզել են, որ տարեց հայ ամուսինների տան դեմ հարձակումից հետո 3 կասկածյալները մեկնել են Տրապիզոն, որտեղ էլ նրանց ձերբակալել են։
Նշվում է, որ ձերբակալվել են նաեւ հարձակումն իրականացնողներին օգնողներն ու նրանց գիշերելու տեղ հատկացրած 5 հոգի։
Հիշեցնենք, որ փետրվարի 6-ին անհայտ անձիք մտել էին Շիշլիում ապրող տարեց հայ ամուսինների տուն, վերցրել թանկարժեք զարդեր ու խոշոր չափի գումար եւ մահացու «խոզի կապանքով» կապել տանտերերին ու հեռացել։ Մինչ իրավապահների դեպքի վայր հասնելը 85-ամյա ամուսինը խեղդվել էր, իսկ կնոջը մի կերպ են փրկել։