ԱՄՆ ՀԴԲ աշխատակիցները մինչեւ հիմա չեն կարողացել կոտրել Սան Բեռնարդինոյի ահաբեկիչներից մեկի հեռախոսը։ Այս մասին հայտնում է Նորությունների դաշնային գործակալությունը՝ վկայակոչելով տեղական լրատվամիջոցները եւ ՀԴԲ ղեկավար Ջեյմս Քոմիին։
Նրա խոսքով՝ մասնագետները չեն կարողանում կոտրել սարքը այն պաշտպանող ծրագրի պատճառով։ «Մենք դեռ ունենք մարդասպաններից մեկի հեռախոսը, որը դեռ չենք կարողացել կոտրել»,- ասել է ՀԴԲ ղեկավարը։
Հիշեցնենք, որ դեկտեմբերի 2-ին Քալիֆորնիայի Սան Բեռնարդինո քաղաքում հանցագործները հարձակվել էին հոգեկան խանգարումներ ունեցող մարդկանց հումանիտար օգնության սոցիալական կենտրոնի վրա եւ կրակ բացել մարդկանց վրա։ Միջադեպի հետեւանքով զոհվել էր 14 մարդ, վիրավորվել՝ 17-ը։