ԱՄՆ միջազգային զարգացման գործակալությունը (USAID) Հայաստանին ստորգետնյա ջրերի խնայողության տեխնոլոգիա կառաջարկի։ Այս մասին փետրվարի 10-ին Արարատյան դաշտի ստորգետնյա ջրերի կառավարման վերաբերյալ USAID ծրագրի (ASPIRED) ներկայացման ժամանակ, ասել է ծրագրի ղեկավար Մագդա Ավետիսյանը։ Ծրագրի ծավալը կկազմի 2 մլն 992 հազար դոլար, իսկ ժամկետը՝ 3.5 տարի։
Ծրագիրը պետք է մշակի ստորգետնյա ջրերի ռացիոնալ օգտագործման մեխանիզմներ, առաջին հերթին՝ ձկնաբուծական տնտեսությունների համար։ Ծրագրի շրջանակներում պլանավորվում է փորձարկել առնվազն ջրախնայողության 3 եւ էներգախնայման ու էներգետիկայի վերականգնման երկու նոր տեխնոլոգիա։
Տեխնոլոգիաները ընտրվելու են նպատակակետում ունենալով գյուղացիներին եւ ձկնաբույծներին, որպեսզի նրանք կարողանան եւ ցանկանան իրենց թույլ տալ անել դա առանց բնությանը վնաս հասցնելու։
Պլանավորվում է շարունակել ձկնաբուծարաններով անցած ջրի կրկնակի օգտագործման (ոռոգում) մեթոդները եւ ուսումնասիրել այլ ագրարային արտադրություններ (ջերմոցներ, թռչնաֆերմաներ, խեցգետին որսալու ցանցեր) բացելու համար։