Բուլղարիան ՄԱԿ գլխավոր քարտուղարի պաշտոնում առաջադրել է ՅՈՒՆԵՍԿՕ-ի ղեկավար Իրինա Բոկովայի թեկնածությունը, տեղեկացնում է Deutsche Welle-ն: Բուլղարիայի ԱԳՆ նամակն ուղարկվել է Նյու Յորքում ՄԱԿ գլխավոր շտաբ:
Փաստաթղթում ընդգծվում է, որ, հաշվի առնելով նրա փորձը, Բոկովան այդ պաշտոնի համապատասխան թեկնածու է: 2009-ից ի վեր, Բուլղարիայում երկար տարիներ աշխատելուց հետո նա ղեկավարում է ՅՈՒՆԵՍԿՕ-ն` ՄԱԿ կրթության, գիտության եւ մշակույթի հարցերով հատուկ հաստատությունը: