Արտգործնախարարն ընդունեց ՄԱԿ-ի գլխավոր քարտուղարի տեղակալ, Ասիա-խաղաղօվկիանոսյան տարածաշրջանի տնտեսական եւ սոցիալական հարցերով ՄԱԿ-ի հանձնաժողովը կարեւորում է Հայաստանի ներգրավվածությունը եւ ակտիվ մասնակցությունը։ Այդ մասին ասել է ՄԱԿ-ի գլխավոր քարտուղարի` Ասիա-խաղաղօվկիանոսյան տարածաշրջանի տնտեսական զարգացման հարցերով տեղակալ, Ասիա-խաղաղօվկիանոսյան տարածաշրջանի տնտեսական եւ սոցիալական հարցերով ՄԱԿ-ի հանձնաժողովի գործադիր քարտուղար Շամշադ Ախթարը արտգործնախարար Էդվարդ Նալբանդյանի հետ հանդիպմանը։
ԱԳՆ մամուլի ծառայությունից հայտնում են, թե, ողջունելով տիկին Ախթարին Երեւանում, նախարար Նալբանդյանն արժեւորեց Հայաստանի եւ Հանձնաժողովի միջեւ ձեւավորված առավել քան քսան տարվա արդյունավետ համագործակցությունը:
Շնորհակալություն հայտնելով ընդունելության համար՝ տիկին Ախթարը նշեց, որ հանձնաժողովը կարեւորում է անդամ պետությունների ներգրավվածությունը եւ ակտիվ մասնակցությունը՝ համատեղ ջանքերով առկա խնդիրներին լուծումներ գտնելու հարցում:
Զրուցակիցները քննարկեցին տարածաշրջանային ինտեգրացիոն գործընթացների ընձեռած հնարավորությունները, համագործակցությունը տրանսպորտային ենթակառուցվածքների զարգացման, տարածաշրջանային փոխգործակցության հարցեր: Հանդիպման օրակարգում էին կայուն զարգացման հիմնախնդիրները եւ դրանց լուծման ուղիները։
Անդրադարձ արվեց դեպի ծով ելք չունեցող երկրներին առնչվող հարցերին։ Այս համատեքստում նախարար Նալբանդյանը տեղեկացրեց, որ դեպի ծով ելք չունեցող երկրների համար Վիեննայի գործողությունների 2014-2024թթ. ծրագրի համապատասխան՝ Հայաստանում ընդունվել է միջոցառումների իրականացման Ազգային ծրագիր։