Քունքի հատվածում հրազենային վնասվածքով Երեւանի «Սուրբ Գրիգոր Լուսավորիչ» հիվանդանոց տեղափոխված 29-ամյա Սուրեն Ա.-ի վիճակը ծայրահեղ ծանր է: Այս մասին այսօր՝ փետրվարի 10-ին, NEWS.am-ին տեղեկացրին «Սուրբ Գրիգոր Լուսավորիչ» հիվանդանոցի Վերակենդանացման բաժանմունքից: Երիտասարդը միացված է արհեստական շնչառության ապարատին, անգիտակից վիճակում է:
Նշենք, որ նախնական վարկածով երիտասարդն ավտովերանորոգման սրահում ինքնասպանության փորձ է կատարել:
ՏԿԱԻՆ-ից մեզ տեղեկացրին, որ երիտասարդի ինքնասպանություն կատարելու փորձի մասին ահազանգողը եղել է երիտասարդի մայրը: