Volkswagen ընկերությունը ծրագրում է հեղափոխական էլեկտրական ավտոմեքենա մշակել, որը պետք է դառնա իր դասի լավագույն ներկայացուցիչը: Այս մասին գրում է բրիտանական Autocar-ը:
Ինժեներների առջեւ նման խնդիր է դրել կոնցեռնի թեթեւ մարդատար մեքենաների բաժնի ղեկավար, տնօրենների խորհրդի նախագահ Հերբերտ Դիսը:
Ըստ Motor-ի, նախնական տեղեկություններով, նոր մոդելի երկարությունը կհասնի 4400 մմ-ի: Այս մոդելի համար նոր շարժիչ, էլեկտրական համակարգ, մուլտիմեդիա եւ MED մոդուլային հարթակ է ստեղծվելու:
Ընդհանուր առմամբ, մինչեւ 2020 թվականը VW կոնցեռնը 20 էլեկտրական կամ հիբրիդային մոդել կունենա: