Իրանում Իսլամական հեղափոխության հաղթանակի օրվա տոնակատարությունների առթիվ ներում է շնորհվել ավելի քան հազար բանտարկյալների: Համապատասխան հրամանը ստորագրել է ԻԻՀ ղեկավար ու հոգեւոր առաջնորդ այաթոլա Ալի Համենեին:
«Իրանի իսլամական հեղափոխության փառահեղ հաղթանակի նախօրեին իսլամական հանրապետության ղեկավարն ու հոգեւոր առաջնորդը չորեքշաբթի երեկոյան համաձայնել է դատական իշխանությունների առաջարկին՝ երկրի քաղաքացիական, հեղափոխական ու ռազմական դատարանների դատավճռով դատապարտված 1059 բանտարկյալներին ներում շնորհելու մասին»- մեջբերում է ՏԱՍՍ-ը այաթոլայի մամուլի ծառայության հաղորդագրությունը:
Ներման մասին խնդրանքով այաթոլա Ալի Համենեին դիմել էր երկրի Գերագույն դատարանի նախագահ այաթոլա Ամոլի Լարիջանին: