Ահաբեկիչները Հալեպի խաղաղ բնակիչներին քշում են դեպի թուրքական սահման՝ փորձելով դասալքել, իսկ արեւմտյան լրատվամիջոցները դա ներկայացնում են որպես ռուսական ռմբաակոծությունների հետեւանքներ: Այդ մասին հայտնել է Ռուսաստանի Պաշտպանության նախարարության պաշտոնական ներկայացուցիչ գեներալ մայոր Իգոր Կոնաշենկովը, հայտնում է «ՌԻԱ Նովոստին»:
«Հալեպի շրջանում գործող ահաբեկչական խմբավորումներում նկատվում է զինյալների զանգվածային դասալքություն: Ահաբեկիչները տեղաբնակներին վախեցնում են ու ստիպողաբար քշում դեպի թուրքական սահման: Դեն նետելով զենքը՝ զինյալները փորձում են միաձուլվել խաղաղ բնակիչների շարասյուններին՝ իմանալով, որ ռուսական օդուժը եւ սիրիական կառավարական զորքերը երբեք հարվածներ չեն հասցնի քաղաքացիական բնակչության վրա»,- ասել է Կոնաշենկովը լրագրողներին: