Հայաստանը պետք է ձգտի փոխել այն իրավիճակը, երբ 600 տեսակ իրանական ապրանք է մտնում հայկական շուկա, իսկ Հայաստանից Իրանի շուկայում ներկայացված է ընդամենը 100 տեսակ ապրանք։ Այս մասին փետրվարի 11-ին կայացած մամուլի ասուլիսին ասել է իրանագետ Գոհար Իսկանդարյանը։
Նրա խոսքով՝ Իրանը միջազգային տնտեսության ակտիվ խաղացող է դառնում։ Իրանի նկատմամաբ հետաքրքրությունն աճում է, ինչը տրամաբանական է։ «Հայաստանի հետ կապված՝ կյանքի կկոչվեն մի շարք ծրագրեր, որոնք հետաձգվել էին ֆինանսական պատճառներով։ Շատ կարեւոր է Իրան-Հայաստան երկաթուղու շինարարությունը։ Իրանի համար մինչեւ մեր սահմանը 60 կմ երկաթգիծ կառուցելը առհասարակ խնդիր չէ։ Այստեղ խնդիրը մեր կողմում է՝ կառուցել 400 կմ, դրա համար ֆինանսական դոնորներ են պետք»,- ասել է իրանագետը՝ նշելով, որ Հայաստանի ղեկավարությունը բավականաչափ քաղաքական կամք ունի երկաթուղու շինարարության համար։