Սննդամթերքի անվտանգության պետական ծառայության (ՍԱՊԾ) Լոռու մարզային կենտրոնի աշխատակիցները Վանաձորի մթերքի շուկայում ուսումնասիրություն իրականացնելիս երկու վաճառակետից ներկած նուռ են հայտնաբերել, որոնք ուղարկվել են Երեւան` լաբորատոր փորձաքննության: Այս մասին այսօր` փետրվարի 11-ին, NEWS.am-ին հայտնեց Սննդամթերքի անվտանգության պետական ծառայության Լոռու մարզային կենտրոնի պետ Կամո Սողոյանը:
Նրա խոսքով՝ վաճառողներից մեկի մոտ հայտնաբերվել է 2 կգ, մյուսի մոտ` 1 կգ ներկված նուռ:
«Նյութը դեռեւս պարզ չի: Նախ պետք է պարզվի` ինչ ներկով են ներկված, ապա կորոշվեն հետագա քայլերը»,- նշեց Կամո Սողոյանը:
Ավելի վաղ հայտնել էինք, որ Վանաձորի շուկայում ներկված նուռ են վաճառում: Վանաձորի բնակիչներից մեկը NEWS.am-ին տեսագրություն էր տրամադրել, որում երեւում է՝ ինչպես է նուռը գունազրկվում թաց անձեռոցիկով մաքրելիս:
Վանաձորի շուկայում ՍԱՊԾ աշխատակիցների կողմից ուսումնասիրությունները սկսվել են NEWS.am-ի հրապարակումից հետո: