General Motors (GM) ավտոկոնցեռնին պատկանող Opel ընկերությունը 2017 թվականին կներկայացնի իր առաջին էլեկտրական մեքենան: Այս մասին գրում է Bloomberg-ը՝ վկայակոչելով կոնցեռնի գլխավոր տնօրեն Մերի Բարրային:
Նրա խոսքով, Ampera-e անունով մեքենան կվաճառվի «մատչելի գնով»: Ակնկալվում է, որ մեկ լիցքավորմամբ մեքենան կկարողանա բավական երկար ճանապարհ անցնել՝ գերազանցելով էլեկտրական մեքենաների մեծ մասի ցուցանիշները:
Ըստ Gazeta-ի, նոր էլեկտրական մեքենան կներկայացվի ընկերւթյան նորացված մոդելային շարքի շրջանակում: Ենթադրվում է, որ այն կմրցակցի Volkswagen ընկերության 2014 թվականի արտադրության e-Up! եւ e-Golf մոդելների հետ:
