Հայկական ընկերությունները կշահեն իրենց արտահանումը ապահովագրելուց։ Այս մասին փետրվարի 12-ին լրագրողներին ասել է Հայաստանի հայրենական արտադրողների միության նախագահ Վազգեն Սաֆարյանը։

Միությունը նման խորհուրդ է տալիս իր բոլոր անդամներին։ Դա կվերացնի Հայաստանի համար արդիական լոգիստիկ դժվարությունների կապակցությամբ մտահոգությունը, հատկապես որ տհաճ նախադեպեր ժամանակ առ ժամանակ լինում են եւ գործնական շրջանակներում այդ մասին հիշում են։

«Բացի այդ, Արտահանման ապահովագրական գործակալությունը պետական կազմակերպություն է։ Իսկ դա նշանակում է, որ նրա ձայն ավելի  մեծ կշիռ կունենա, եթե մաքսային ծառայության կամ ներկրող երկրի այլ պետական մարմնի հետ հարցեր լուծելու կարիք լինի»,- ասել է Սաֆարյանը։