Փետրվարի 11-ին ՀՀ ԱՆ քրեակատարողական վարչության պետ, գեներալ-մայոր Ա. Օսիկյանն ընդունել է Իրանի հյուպատոս Մոհամմադ Ֆադավիին եւ նրան ներկայացրել Իրանի քաղաքացի հանդիսացող, ՀՀ ԱՆ քրեակատարողական հիմնարկներում պահվող դատապարտված եւ կալանավորված անձանց պայմանները:
ՀՀ ԱՆ ՔԿՎ հանրային կապերի բաժնից հայտնում են, որ կողմերն անդրադարձել են նաեւ երկու երկրների միջեւ ձեռք բերված պայմանավորվածության շրջանակներում դատապարտյալների արտահանձման գործընթացին:
ԻԻՀ քրեակատարողական հիմնարկների կազմակերպության կոոպերատիվ հիմնադրամի գործադիր տնօրեն Ռահիմ Մոթահարնեժադն էլ ներկայացրել է հիմնադրամի աշխատանքները` ակնկալելով այդ հարցում երկու երկրների առավել սերտ համագործակցությունը:
Քրեակատարողական վարչության պետ Ա. Օսիկյանը եւ Իրանի Իսլամական Հանրապետության հյուպատոսը իրենց խոսքում կարեւորել են հարեւան երկրների ծառայակիցների հանդիպումները փորձի փոխանակման եւ էլ ավելի արդյունավետ համագործակցության նպատակով:
Հանդիպման ընթացքում պատվիրակությունն անդրադարձել է նաեւ ԻԻՀ քաղաքացի հանդիսացող դատապարտված եւ կալանավորված անձանց հուզող մի քանի խնդիրների, ինչին քրեակատարողական վարչության պետ Ա. Օսիկյանի կողմից տեղում տրվել են հստակ հանձնարարականներ խնդրահարույց հարցերի արագ կարգավորման նպատակով:
