Վանաձորի թիվ 1 հիմնական դպրոցում փետրվարի 11-ին արտակարգ դեպք է տեղի ունեցել: Վանաձորի ոստիկանությունից NEWS.am-ին հայտնեցին, որ տարեց մի կին մտել է դպրոց, հետեւել աշակերտուհիներից մեկին, զուգարանում ցավեցնելով փորձել է հափշտակել աղջկա ոսկյա ականջօղերը:
Ըստ տարածված տեղեկությունների՝ 3-րդ դասարանի աշակերտուհին բարձր գոռացել է, նրա ձայնը լսելով` անմիջապես զուգարան է մտել մանկավարժներից մեկը, հանել երեխային այնտեղից, դուռը փակել կնոջ վրա եւ ահազանգել ոստիկանություն:
Դպրոցից հրաժարվեցին մեկնաբանություն տալ. «Դեռ ոչ մի նորություն չունենք»,- նշեց տնօրենն ու անջատեց հեռախոսը: